Χριστὸς ἀνέστη! Ἀληθῶς ἀνέστη!
Surrexit Christus! Vere surrexit!
首先喺度祝大家復活節快樂！
過去嘅呢一個禮拜，喺Walsingham Basilica呢度簡直係非常之熱鬧，因為喺聖枝主日當日，我哋接待咗今年第一個大型朝聖團，係住喺英國嘅菲律賓教友團體，佢哋一行幾千人喺聖枝主日當日過嚟我哋Walsingham Basilica呢度朝聖。
加上喺逾越節三日慶典，我哋請咗利物浦總教區嘅榮休輔理主教Thomas Williams 過嚟我哋Walsingham Basilica呢度主持逾越節三日慶典。
老實講句，過去嘅呢一個禮拜我真係忙到就嚟冧低，不過其實，呢個「遊戲」係啱啱先開始，話咁快已經嚟到呢度定居同埋做嘢已經四個月，喺過去呢四個月，我不斷咁喺度學習點樣care一班嘅朝聖者，四個月已經過咗，依家喺我眼前嘅就係一班唔同嘅朝聖團（包括大型同埋一啲小型嘅朝聖團體），對我嚟講亦都係一個大嘅挑戰，唯有將呢啲挑戰同埋考驗全部都交俾天主去安排。
發佈留言